私隱政策

更新日期：2026年11月1日

呢份政策講解 囍 Big Day app（iPhone 同 Android）點樣處理你嘅資料。囍 Big Day 由 Kwok Cheung Poon 開發同營運。

我哋收集咩資料

• 你喺 app 輸入嘅婚禮資料：婚禮名稱同日期、流程、籌備清單、預算、供應商、成員同賓客嘅名、電話（如有填）、座位同人情。
• 你上載嘅相片、影片同檔案。
• 每部登入咗嘅電話：型號名稱（例如「iPhone」）、最後使用時間，同推送通知用嘅 token。
• 付款收據：用嚟向 Apple 或 Google 核實購買。我哋唔會收到你嘅信用卡資料。

我哋冇帳戶系統、唔會問你電郵，亦冇廣告或者追蹤分析。

點樣使用

只係用嚟令 app 運作：同步婚禮資料畀加入咗嘅人、發送你哋設定嘅鬧鐘同通知、核實購買。我哋唔會出售或者分享你嘅資料作其他用途。

邊個睇到

• 新人同統籌睇到成個婚禮。
• 兄弟姊妹只睇到分享畀佢哋嘅流程、自己嘅任務、成員名單同相簿。
• 賓客只睇到自己嘅請柬：日期、場地、新人揀咗公開嘅時間、菜單，同新人公開座位之後同枱賓客嘅名。

資料放喺邊

婚禮資料同檔案儲存喺 Cloudflare 嘅伺服器（數據庫喺西歐，檔案喺亞太區），傳送時全程加密。相片同檔案唔公開，只會透過有時限嘅連結打開。推送通知經 Apple Push Notification service（iPhone）同 Firebase Cloud Messaging（Android）發送。

保留幾耐

付款後婚禮開放 999 日，之後轉做唯讀。相片同檔案喺到期後保留 90 日再刪除，除非新人買咗保存套餐。登出一部電話會刪除嗰部電話嘅登入同推送 token。新人可以隨時刪除成員、賓客、項目同檔案。

查閱同刪除

你可以喺 app 入面睇到同改你嘅資料。想攞返一份資料、更正，或者刪除成個婚禮，請電郵 bigday@twinkle.hk，我哋會喺 30 日內處理。

小朋友

囍 Big Day 唔係為 13 歲以下兒童而設。

更新

如果政策有改動，我哋會喺呢一頁更新日期。

聯絡我哋

Kwok Cheung Poon · bigday@twinkle.hk