由籌備到大日，
成個團隊同一個節奏。
囍 Big Day 幫新人、統籌同兄弟姊妹一齊跟流程：邊個幾點做咩、負責嘅人手機準時響、賓客坐邊席——全部喺大家手機即時更新。
iPhone 同 Android 都用得 · 繁中 / English
一張流程，大家都跟得到
唔使再喺 WhatsApp group 搵最新版本。改一次，所有人手機即刻更新。
邊個、幾點、做咩，一眼睇晒
每一項有時間、地點、負責嘅人同備註。開始同完成一撳，成個團隊即刻見到進度。
- 「而家」同「下一項」自動標示，打開就跳去而家做緊嘅嘢
- 揀「我」只睇自己份內嘅項目；姊妹、兄弟、家人各有各睇
- 時間軸：長撳拖一拖就改時間，縮放睇得清 15 分鐘嘅細節
- 五款範本起步：傳統中式、教堂、酒店、午宴、簡約
時間軸
兄弟出門接新娘
玩新郎
負責嘅人，手機準時響
每一項可以加幾個鬧鐘：提早 15 分鐘提兄弟落樓、準時提姊妹拎扇。鎖咗機都會響，唔使統籌逐個打電話追。
- 只響負責嗰班人，其他人唔會被嘈醒
- 流程改時間，鬧鐘自動跟住改
- 即時通知：開始咗、改咗時間、有新任務
大日之前，行一次
用快鐘將成日流程壓縮喺十幾分鐘行一次，每一項都會喺負責嘅人手機響。邊個撳咗「知道」、邊個未收到，一目了然。
綵排中 · 09:00 玩新郎
幾個月嘅準備，有條理
清單、月曆、預算同供應商，新人同統籌一齊用。
幾時要做咩，唔會漏
跟範本預設嘅籌備清單起步，自己加減。每項有限期同負責人，用列表或者月曆睇，過咗期會變紅。
- 分派畀兄弟姊妹，佢哋手機會收到通知
- 合約、收據影低放喺嗰項入面
2026年12月
格價、投票、揀定
每個類別可以放幾間候選：價錢、條件、報價單同相片並排比較，新人同統籌各自投票，揀定之後自動計入預算。
- 預算、已承諾、已付、仲差幾多，一頁睇晒
攝影 · 比較
| 價錢 | 相數 | 投票 | |
|---|---|---|---|
| 光影 ✓ | HK$18,800 | 800+ | ❤️❤️❤️ |
| 小時光 | HK$14,500 | 500 | ❤️ |
| Studio K | HK$22,000 | 600 |
每位賓客，自己嘅請柬
每位賓客有自己嘅邀請碼同 QR code，WhatsApp 傳過去就得。賓客打開就見到自己坐邊席、同枱有邊個、菜單同時間地點，仲可以直接回覆出唔出席、幾多位。
- 座位排好先公開，未排好賓客唔會見到
- 賓客回覆，新人即刻收到通知
- 一個碼一家人用；賓客唔佔婚禮嘅電話位
- 人情、分席、出席人數，賓客名單一齊計
你嘅座位
菜單
大家影嘅相，一個地方
兄弟姊妹同家人影嘅相同片，直接放入婚禮相簿，加標籤分類。報價單、合約、場地圖亦可以跟住清單同流程放。
大日當天，唔會甩轆
冇訊號都用得
酒店地庫冇網都睇到流程、照樣剔，有網再自動同步。
即時同步
一有人改，所有人手機一秒內更新；兩個人同時改同一項，app 會話你知。
幾部電話、幾個婚禮
一個人可以用幾部電話；統籌一部電話可以跟幾個婚禮。
繁中 / English
一撳轉語言，每項可以中英對照，外籍朋友都跟得到。
一個 app，三種人
全盤掌握
流程、清單、預算、供應商、賓客同座位，全部喺度。
同新人一樣有齊權限
用統籌邀請碼加入，可以改流程、分派工作；一部電話跟幾個婚禮。
只睇自己要做嘅
用邀請碼加入，即刻見到自己份內嘅流程同任務，到鐘手機會響。
免費籌備，邀請團隊先俾一次
每個婚禮一次過，冇月費。兄弟姊妹、統籌同賓客加入全部免費。
1 GB
- 1GB 相片同檔案空間
- 邀請碼生效 999 日
- 最多 50 部電話
- 賓客請柬，賓客唔佔位
5 GB
- 5GB 相片同檔案空間
- 邀請碼生效 999 日
- 最多 50 部電話
- 賓客請柬，賓客唔佔位
20 GB
- 20GB 相片同檔案空間
- 邀請碼生效 999 日
- 最多 50 部電話
- 賓客請柬，賓客唔佔位
開婚禮、寫流程、籌備清單、預算、賓客名單同分席，全部免費用，唔使信用卡。準備好先邀請其他人。
之後可以升級空間，只補差價。婚禮完咗 999 日後轉做唯讀；相片可以用 HK$5／GB／年 繼續保存。
常見問題
兄弟姊妹同賓客要俾錢嗎？
唔使。只係新人為婚禮俾一次，其他人用邀請碼加入全部免費。
賓客要裝 app 嗎？
要。賓客喺 app 揀「用邀請碼加入」，輸入自己嘅碼或者掃 QR code，就見到座位、菜單同時間地點。
iPhone 同 Android 都用得？
都用得，而且大家可以混住用，資料即時同步。
冇網絡會點？
流程、清單同請柬會留喺手機，冇網都睇到、剔到；有網之後自動同步。付款、加入婚禮等就要上網。
最多幾多人可以用？
每個婚禮最多 50 部電話，新人、統籌同兄弟姊妹計在內。賓客另計，唔佔呢 50 個位。
婚禮完咗之後資料點處理？
付款後 999 日內可以照常使用，之後轉做唯讀。相片同檔案會再保留 90 日，想保存耐啲可以買保存套餐（HK$5／GB／年）。
點樣聯絡你哋？
有問題或者建議，電郵 bigday@twinkle.hk。
我嘅資料安全嗎？
婚禮資料只有加入咗嘅人睇到，相片同檔案只會用短期連結開。我哋唔賣廣告、唔追蹤你。